الثورة الجنسية - الجزء الثالث

الثورة الجنسية الجزء الاول 
الثورة الجنسية الجزء الثانى 
---------------

غشاء الخرة البكارة

شرف البت زى عود الكبريت ميولعش غير مرة واحدة"

ادخل على جوجل واكتب غشاء البكارة بس
هتتفاجى من الرعب من ناحية البنات تجاة الغشاء ابن الوسخة دة
 ومقالات كتير ازاى تعرف الغشاء اتفض ولا لا ولو اتفض عن ازاى ترقع وبكام
ماهى الاشياء اللى تمزق الغشاء , وممارسة العادة السرية وتمزق الغشاء ... الخ

لو سالت اى حد فى مصر كلها , ترضى تتجوز واحدة بغشاء بكارة ممزق ؟
او هتعمل اية لو لقيت ان مراتك بدون غشاء بكارة؟

اكيد مش هترضى؟ ,هتطلقها؟ هتقتلها؟ شرف العيلة وكدهو
ونسال بقى هو الشرف دة فية منة على رجالى ؟
يعنى لما نقول ان دة راجل شريف , هل دة معناة انة متفتحش ؟
ولا فى معايير تانية للحكم على شرف البنى ادم زى انة مبيسرقش اوبيعمل شغلة كويس او حتى انة مبيشهدش زور .. الخ
فكدة ممكن نقول ان الراجل شريف او الست شريفة
لكن تقييم الشرف عموما على غشاء البكارة مش منطقى
عشان بيجى على الست بس . ببساطة يعنى
حاجة تانية انت متخيل ان البنت لو عاوزة تضحك عليك وتعمل ما بدالها وتفضل بكر دة بالنسبة لها حاجة صعبة ؟

تبقى حمار
اولا بافتراض سوء النية من الست ببساطة ممكن تمارس حياتها الجنسية بكل حرية او تشتغل فى الدعارة حتى
وتيجى قبل يوم الفرح وتعمل عملية ترقيع بسيطة وتبقى بكر
وعلى فكرة رخيص فشخ الصينى مثلا ب 83 جنية يعنى بنصرف اكتر من كدة فى قعدة محترمة
وفى نوع غالى شوية امريكانى اسمة بيوتى فيرجن ب 750 جنية والشحن ب 250
فعلى حسب الموقع فالغشاء سهل التركيب , *اة واللة زمبقولك كدة
ومش محتاج دكاترة ولا دوشة ولا وجع ودان انت بس تجيب العلبة وتفتحة وتحط البتاع فى المهبل وسيبة هو هيتفاعل
وهيشبك وخلص كدة الموضوع ومبروك عليكى
اة نسيت اقول فى ملاحظة مكتوب فيها
"عند الجماع وتمزق الغشاء الصناعى فانك لا تشعرين بالالم كما حدث
معك بليلتك الاولى , لذلك فان كل ما عليكى فعلة هو التظاهر ببعض الالم والخجل ليشعر
زوجك وكانها ليلتكم الاولى"
*يا خلبوصة*
بزمتكم فى دلع اكتر من كدة , سلطنة
(10)
ولو هتعمل عملية بدكتور وكدة هتكلف من الفين لتلاتة

ثانيا ممكن البنت تتواصل جنسيا مع اى حد هى عاوزة لكن مش عن طريق المهبل عشان محلصش تمزق مثلا الجنس الشرجى او الفموى
او حتى على الملابس .. الخ من مليون طريقة وهى لسة بكر


ثالثا
غشاء البكارة انواع كتير مش نوع واحد ,  ففى منة العادى وهو غشاء رقيق مش مطاطى وفى منتصفة فتحة
دائرية بيمر منها الحيض كل شهر ودة عادة بيتمزق عند اول اتصال جنسى او العادة السرية فى بعض الاحيان
وفى المطاطى اللى مبيتمزقش عند الاتصال الجنسى ونفس الكلام مع المتعرج اواللى على شكل غربال وغيرة
وفى بنات بتتولد من غيرة

فتخيل كم من حالات الطلاق او القتل حصلت بسبب ان الراجل افتكرها مش بكر , رغم انها ملهاش اى ذنب
بغض النظر عن اعتبار النشاط الجنسى قبل الجواز اجرام من عدمة دية نقطة هنتكلم فيها بعدين

رابعا
غشاء البكارة ممكن يتمزق عن طريق اى رياضة عنيفة او نشاط بدنى فكل البنات
تمت تربيتهم على انهم ميتنطوش او ممنوع عليهم الرياضة العنيفة بشكل عام
خوفا على اهم حاجة فقدان ال... اية
!!!

وبعد كدة نجى لنقطة تانية
وهى طقس مصرى جميل بيعجبنى فشخ
يوم الفرح وليلة الدخلة والانوار مضائة على الاربعة جوانب من البيت الريفى المتواضع
ويزف عريس الغفلة لعروستة فى وسط البنادق وضرب النار وغناء المغناوتية ورقص العوالم
للبيت مع الداية او ام العروسة ومعاهم بشكير ابيض فتفض الداية او الام بكارة البنت على البشكير
*!!!او الام بتدخل معاهم الاوضة وتستنى الراجل يخلص قدامها عشان يديها البشكير*
وياخدة ابو البنت ويرفعة فوق مقلدا قائد الالتراس ليشغل احتفالا بشرف بنتة والعيلة اللى حافظت علية سنين
لترتفع الزغاريد وضرب النار
اللى فى احوال كتير الداية بتستخدم ضفرها لخدش جدار المهبل ليسقط دم كتير عالبشكير واهو كلة بثوابة
ياللة يا بية عاين عاين يا بية بضاعتنا جديدة محدش لمسة , بكيسها

"لا يسلم الشرف الرفيع من الأذى ، حتى يسال على جوانبه الدم"

الموضوع كلة حب سيطرة مع الرجل على المرأة متخذ فى سعية دية عدة اغطية منها الدين وانة بيقول كذا وكذا
وان المرأة ضعيفة جسديا عن الرجل وان الرجل هو اللى بيصرف ومعرفش اية
حلم هارون الرشيد

حتة غشاء بيرتوني ابن وسخة ادى فرصة للراجل انة يفرض رغبتة الشاذة والسادية فى التحكم وفرض سيطرتة على المرأة
فالدم هينزل يا اما من الغشاء يا اما من دماغها لما تطير

مراجع
(10)http://newbkara.net/

تابع المدونة علي فيسبوك