من هي كاتيوشا؟

(قد) يكون معروف إسم كاتيوشا بالعربي إنه صاروخ (إتشهر جدا من ساعة ما وعيت عالدنيا وقت إنسحاب إسرائيل من جنوب لبنان) لكن من هي كاتيوشا الأصلية؟

إسم كاتيوشا هو أحد الأسماء النسائية الشائعة في الروسية ..يكاترينا, كاترين,, وللدلع يقال "كاتيا" أو "كاتيوشا"..

كاتيوشا مش بس إسم نسائي ولا إسم صاروخ فقط -يوليو 1941 (تسمية الأسلحة بأسماء نسائية شئ شائع: يميليا, ماتوشكا,,)

كاتيوشا كمان إسم أغنية* روسية مشهورة إتغنت سنة 1939 من كلمات شاعر إسمه :"ميخائيل ايسكوفسكي" وتلحين ملحن إسمه:"ماتفي بلانتر" وغناء :"فالنتينا باتيشيفا"

الأغنية بتدور عن بنت إسمها "كاتيوشا" حبيبها بيخدم فالجيش السوفيتي وبتوصف مشاعرها ناحيته وتقديرها لدوره.

الجدير بالذكر إن الأغنية دي لما سمعتها حسيت إني أعرفها من زمان... زمان جدا... ولما ركزت إكتشفت إن الموسيقي بتاعتها هي اللي كنا بنطلع عليها للفصل بعد إنتهاء طابور الصباح فالمدرسة... وإن أردت الدقة.. هي إللي كنت بنزل علي أنغامها من بيتنا فالأيام اللي مكنتش بحضر فيها الطابور عشان كنت ساكن جنب المدرسة.

مينا ضياء

12\5\2014

2:44 am

تابع المدونة علي فيسبوك

للمزيد: كاتيوشا ليست مجرد سلاح- تانيا منيف- أنباء موسكو

*مرفق أدناه كذا نسخة للأغنية:"كاتيوشا"

السيسي السالك.. وخيارات المعارضة المصرية

 بخصوص الحديث المستمر عن مقابلة السيسي مع لميس وإبراهيم عيسي...(الجزء الأول)

شوفت بداية ونهاية الجزء الأول ومعنديش تعليق معين عليهم لكن عندي شوية أفكار حابب أسردها.

بيدق سالك: *Passed Pawn.
المصدر: Wikipedia.

لو إعتبرنا إننا بنشاهد دور شطرنج له أكتر من طرفين... التيار الديني ومحبي الدولة والتقدميين (وهم فالحقيقة أكتر من كدا بس مش دي المشكلة) ولو حضرتك شاركت فالتظاهرات ف أي فترة من أول 25 يناير 2011 أو قبلها فالأغلب هتضع نفسك ف مربع (التقدميين الثوار,, إلخ- وفالأغلب باقي أعضاء المربع مش هيعجبوك لأسباب فكرية أو شللية) فالموضوع واضح جدا إنه له أطراف متعددة.. ما علينا. لو إعتبرنا إننا بنشاهد دور شطرنج له أطراف متعددة وفي حال كنت بتشاهد أحد خصومك وهو بيقترب من ترقية بيدق سالك (عسكري مفيش عساكر تقدر تمنعه من الوصول للصف الأخير) ومفيش أي قدرة للقطع خاصتك علي منعه من الوصول للصف الأخير والترقية ففيه قدامك تصرف من إتنين....

التصرف الأول وهو إنك تتجاهل تماما قواعد اللعبة إللي حكمت علي قطعك (كميتها\نوعها) أو (تكتيكيا: وجود كم كافي من القطع لكن أماكنها لا تسمح لها بإعتراض بيدق الخصم) بإنها معندهاش القدرة علي منع الترقية من الحدوث والإستمرار في محاولة إعتراضه بشكل عبثي وتضييع نقلاتك في تحركات لا تنفع ولا تضر.

أو التصرف التاني,,, وهو إنك تحسن وضع قطعك للوصول لأفضل ما يمكن قبل أو أثناء حدوث الترقية طمعا في الوصول لدور كسبان أو حدوث تعادل علي الأقل.

التصرف التاني ببساطة قد يكون دعم التصويت لحمدين لو معندكش مشاكل فكرية معاه عشان يكون فيه نسبة معارضة في نتيجة الإنتخابات الرئاسية أو (ودا المهم فعلا) البدء في العمل علي الأرض للإستعداد للإنتخابات التشريعية لمزاحمة التيار الإسلامي (حزب النور وإخوته) لتقليل فرصهم أو نسبتهم وتأثيرهم في البرلمان القادم. أي مستقبل بدون وجود حقيقي للأحزاب والتيارات العلمانية علي الأرض هو مستقبل مظلم... سواء كان الفائز هو السيسي بتسريباته عن الساعة الأوميجا أو حمدين بمقابلته لصدام أو مجاملاته للإسلاميين في مواقف معينه,,, كل دا بغض النظر عن تشبيه الأول بعبناصر وإتخاذ التاني له كمثل أعلي (هأ هأ هأ).

أنا شخصيا معنديش مرشح فالدولاب أنزل بيه الإنتخابات,,, ومش فاضي أترشح الصراحة. دا اللي شايفه صح حتي اللحظة دي.

مينا ضياء

6\5\2014

1:45 am

*Passed Pawn
تابع المدونة علي الفيسبوك