تأثير الفراشة Butterfly Effect

وهى تعنى حدوث شىء صغير جدا يؤدى لحدوث سلسلة من الأحداث المترتبة على هذا الشىء الصغير ..
ما أومن به هو أن كل شىء فى هذا الكون يتم بحسابات دقيقة بارعة لا قبل لنا بها ، كل شىء محسوب ومقدر بدقة بالغة وتدخلنا فى مثل هذه الأمور إنما يفسدها ولا يمكن أن يقومها بطريقة أو بأخرى .. حتى لو كان تدخلنا بسيطا تافها ...الصورة من أعمال مينا هاني

Friday 5 March 2010

حوار متروهات :: كتبها ابو جهل

صحيت الصبح كالعادة .. غسلت وشى ,, لبست هدومى القديمة وعلى الكلية هروح

وقدامى طريقين مفيش غيرهم

1_ الميكروباص ::: بس بيجى متاخر وساعات مبيجيش





2_ المترو ::: بس هتضطر اقف مع اخواتى فى الشعب المصرى ..كلهم يااما رايح الكلية او المدرسة يا رايح الشغل والبهدلة


لكن لاحظت حاجة جديدة خالص موجود :: علامات خضرا وحمرا واحدة بتقول صعود وواحدة ممنوع الصعود

لوحات ارشادية وخطوط فى الارض

قولت اتبع الاشارات ممكن تكون حاجة جديدة

روحت الكلية ...وانا راجع برضة بالمترو.. استنيت واحد صاحبى حوالى نص ساعة

ولاحظت الناس اللى بتدخل المترو عشان انا مش ورايا حاجة غير صاحبى اللى لسة مجاش

لقيت كل الناس بتدخل من الناحية ممنوع الصعود ,, لية مش عارف

ماهى مش حاجة جديدة علينا اننا منشتغلش بالقوانين والحاجات الللى قدامنا اتباعها

وفى الاخر نيجى ونقول الدنيا بايظة وتيت والكلام دة ..

لية متبتديش بنفسك

وعندك الاشارات بتقول كل حاجة وتوضح..

وبتقول لحضرتك من فضلك لو سمحت لو سمحت اخلاقك يا حبيبى

ادخل من هنا واطلع من هنا

بس كدة...

انا مش شايف انو حوار صعب

لكن الصعب اننا نلتزم بقانون صغير جدا... مش عارف لية

هو عملك لوح على طول المحطة بحجم فيل هندى ابيض

وكتبلك لوحات ارشادية على المترو من جوة ومن برة وعملت اسهم لجوا واسهم لبرا ورسملك علامات صفرا فى الارض ..

ناقص يعملك اية يعنى ؟ يحطلك واحد على الباب يديلك بونبونى لما تدخل من الباب الصح يعنى

واللة هنستريح وندخل من المكان الصح

جميل كدة يا فوزى

لكن اللى مش جميل انك عشان تدخل من الباب بتاع الصعود

اوك جميل وسهل لكن نيجى للمرحلة اللى بعديها لما تنزل تراااااااااا

لازم تكافح وتحاول وتتخانق عشان توصل للباب التانى وتقول سيادتك وحضرتك بعد اذنك

اوعى عاوز اعدى ...وودة طبعا هيخلى فى بعض الاوقات ان تلاقى محطتك جريتتت

طيب والحل اية ؟؟

انى استنى الميكروباص اهو ارحم وبنص جنية

:d


::::::: ابو جهل ::::::::

No comments:

Post a Comment