ج3/2- فن التقييم في الشطرنج

ج-2-
الشطرنج,,

لعبة من أحلي الألعاب وأمتعها لمحبيها, وبالنسبة للي بيعرفها علي خفيف يأما عنده شغف نحيتها,أو بيكره يشوفها,وإللي ميعرفهاش عاوز يعرفها أو مش عايز,, بس علي ختلاف المعرفة ومدي الحب أو الكراهية للعبة,الأغلبية بتقدر اللعبة دي.
والأسباب كتير, لعبة بتعلمك تقدير المواقف ,وتقدير المكاسب والخساير ,واتخاذ القرارات,ووزن الاختيارات ,ليس هذا فقط بل والمزيد.

تتكون اللعبة من جيشين, يتكون كل جيش من ملك,وزير.حصانان.فيلان,وعدد

ثمانية بيادق.
وتختلف طرق تعامل المحترفين مع تلك القطع عن المبتدئين,كذلك يختف تقييم كل منهم لها.
عشان كان لازم نتكلم عنها,وأول قطعة هانتكلم عنها هي البيدق
ويهمل المبتدئون البيدق نظراً لأنه نظرياً يمثل أقل القطع قيمة, فتراهم يضيعونها في أحيان كثيرة بلا مقابل ,(ببلاش)

أه,مش عارف بعني ايه بيدق؟:) البيدق ده إللي بالبلدي كده (العسكري)

ويرتكب المبتدئون عدة خطايا تجاهه,منها :
1-يهملون انهم يستفيدوا من امكانته (لعدم درايتهم بها,ولإستخفاههم به)
2-يخفقون في وضعه في مربع آمن (بمعني انهم لايقومون "بتغطيته" بأحد القطع الصديقة)(قطعة علي الهوا -دة بيبقة اسمها ),ويضعونه فريسة سهلة مشوية في مُربع "خانة" مضروبة من قطع العدو,ومبيبقاش ناقصه غير السلطات (بفتح السين و اللام)
3-عندما يكون في خانة امنة,ويتعرض للهجوم,يتجاهلون برعونة إنقاذه (بدون وجود أي سبب تكتيكي أو خطتي أو تحقيق أي مكسب من هذه "التضحية".وعندما يتم سئاله عن سبب هذا التصرف ال (الوصف هنا حسب إجابته)
1-...عديم الخبرة ,في حالة كانة إجابته (ماختش بالي)
2-...الأهبل, في حالة كانت إجابته (عندي منهم كتير)
في الحالة الأولي يكون الحل في كثرة التدريب,أما في الثانية يكون أولا بالكشف عن القوي العقلية (للزبون) ثم إعادته للدرس الأول (قيم القطع)

ويختلف تعامل المحترفين مع البيادق,(فبخلاف وضعها في خانات آمنة,و حمايتها عند التعرض لهجوم ,,وهذه كلها من البديهيات) تراهم لايضحون بها إلا :
1-"لأكل" قطعة أكثر قيمة من معسكر المنافس.
2-كسب موقف تكتيكي أو الحصول علي وضع به تفوق وأفضلية
(Superior)
أو بسط سيطرة وتحكم
(Domination)
3-أوأسباب أخري قد تفرضها الظروف أو المنافس (مثل إنقاذ قطعا أكثر قيمة أو بيدق أخر يسيطر علي مربعات حيوية)

بمعني أخر ,الإتيان بالمكسب,أو التعجيل به أو ضمانه,أو منع خسارة.(ملأخر حاجة ليها قيمة)
أما فيما عدا ذلك "بيستموتوا" لإنقاذ ذلك البيدق ,لأن قد يستطيع الوصول لمعسكر الأعداء,في الصف الأخير فتتم ترقيته إلي وزير أو أي قطعة أخري يحتاجها الموقف,قد يكون "جالب السعادة". (ده إللي هو أقل القطع قيمة نظريا!!)
لذلك فنجد أن الفروق بين المحترفين والمبتدئين هو الخبرة في الاساس و أيضا "القدرة علي التقييم"
Evaluating


بس مثلأ عمرك سمعت عن عسكري شطرنج شغال مرمطون وبيودي ولادالحصان إللي واقف وراه المدرسة و بيعملهم ساندوتشات,أو بيروح السوق عشان المدام الفرسة (بفتح السين و الراء) كأنه الفلبينية إللي مامتها جابتهالها, لحد ما مايموتش برصاصة في معركة!,,لكنه يموت بالفرسة (بفتح السين وتسكين الراء)؟؟؟
عمرك شوفت فيل بيضرب العسكري إللي قدامه علي قفاه كأنه عبد اشتراه له ملك الغابة؟
(انا طبعا مش باعترض علي بسط نفوذ القائد,بالعكس,ده مطلوب,بس ده يبقا العقاب,مش العادي)


نكته:

مرة كان واحد بيلعب بالقطع الحمرة,ضد واحد بيلعب بالقطع الخضرة ,ابتدي الأحمر اللعب وطلع عسكريه مربعين قدام,والأخضر طلع عسكريه خطوتين,علي وفاجأ الأحمر الجميع و قدم عسكريه,فطلع الأخضر عسكري أخر في المواجهة,فضلوا علي الsystem ده لحد مالعسكرا الأحمر وصل هناك في المربع الأسود وقدامه صف العساكر الخضر جنب بعض. الدور علي الاخضر,تفتكروا عمل إيه؟؟( علي فكرة مش صعب تخمنوا,عشان لاعب القطع الحمراء بعد مقطعته اتعجنت واتكلت,,قال انه كان عارف ),,علي فكرة بقية العساكر اتفرجت وهي بتتحسر.بس اللاعب قرر ينهي الماتش منعاً للتصعيد وحقناً للدماء.المفروض تضحك دلوقتي,,,أضحك؟


في فيلم "عبود علي الحدود" اما وقعوا في حقل الألغام ,كان المجند الصعيدي بيلطم ويقول "هاموت منغير محارب!! هاموت ملغوم؟!!!" (=هاموت بلاش بلغة الشطرنج)

مينا ضياء
8/1/10
يتبع,,,,