شرشحوا للتقاليد والتابوهات اللى بقت ماسخة بزيادة

*شوية فضفضة *
مسا الخير
هو اية لازمة طقم الجيلى ؟
اة يعنى لما اتنين بيجو يتجوزوا لية ام العروسة بتجيب طقم الجيلى ؟
اية المميز فى طقم الجيلى الست قطع التشيكى الصنع ابو 55 جنية او الصينى منة ب 30 جنية ؟
هو فى فعلا ناس بستخدمة وكدة ؟
طيب بتجيبوة لية ؟
طيب اية لازمة طقم المعالق المدهب؟
طيب اية لازمة الصينى ؟
طيب اية لازمة الشقة ال 300 متر فى ارقى مناطق مدينة نصر ؟
اية لازمة الريسبشن ؟

بتتنكوا على مين بروح امكم ؟!

الموضوع وصل لدرجة من حب التناكة لدرجة ان الحاجات دية بقت نوع من المسلمات ممنوع عليك مناقشتها ولا محاولة تغير جزء بسيط فيها زيها زى الدين والسياسة والجنس . لية بتستفزو دين امنا يعنى !! العيال اللى عاوزة تتجوز بتتفشخ عشان الفلوس وانتو تروحو تجيبو بيها تفاهات, طلعتونا من هدوم امنا  ومصرين على تناكة فارغة, فممكن تفركش الجوازة عشان شوية صينى مبيطلعوش اكتر من مرتين فى العمر ! لية ريسيبشن طب ما تاخد الفلوس دية وتسافر مع عروستك برا البلد , وصل الدرجة من النفاق انك تتنازل عن متعة شخصية ممكن تحصل عليها ارضاء لناس علاقتك مع98 % منهم هتنتهى بعد ما يخلصوا اكل .

لية بتتجوزا اصلا , لية التطور الطبيعى ان الواحد بعد ما يتخرج يتجوز ؟ اية المهم فى الجواز اللى محدش يقدر يعيش من غيرة ؟ لية بتكافحوا اللى مش عاوز يتجوز باعتبارة نموذج شاذ على المجتمع ؟انت بالنسبة للاجيال اللى قبليك كائن غير مفكر وغير عاقل ومتقدرش تحدد خطة حياتك المناسبة ليك ف بالتالى هو بيرسملك الطريق المعد مسبقا من قبل مرضى نفسيين اللى وهتمشى فية غصب عن عين امك واللى هيحاول يغير اى خطوة فية هيتهاجم

الخطة ببساطة وركز انك مطلعتش براها
ابتدائى وفيها عرفت ان الولد شعرة لازم الا يتجاوز ال5 سم فوق مستوى الجبهة والبنت شعرها طويل وبعد كدة دخلت اعدادى و ثانوى اللى فيها ضغطوا عليك عشان تدخل كلية زى هندسة او طب وطز فى ام رغبتك لو بتحب حقوق او اداب مثلا , تفهم انت اية فى الدنيا عشان تختار . وتدخل الكلية واول ما تتخرج لازم تشتغل فى مجالك اومال , اومال انت درست كل دة لية , ازاى تتنازل عن البريستيج بتاع الكلية الخمس نجوم بتاعتك وبعد كدة تدخل فى روتين انك تصحى تروج الشغل وترجع تنام وتروح تانى يوم الشغل انعزال هيفقدك كل متعة فى الدنيا وبعد كدة ماما تدورلك على عروسة من اصحابها من الدرجة الاولى او من الدرجة التانية , او لو كنت محظوظ فهتبقى من اصحابك انت وبعد كدة لازم تخلف , اومال سنة الحياة يا عزيزى ! وبعد اول بيبى مش هنخاوية بقى ! وبعد كدة تقعد تغير فى بامبرز بامبرز خرا فى خرا لحد ما تموت ,عيشة خرا ,كلامكم خرا ,اسلوبكم خرا, مفيش امل ,مفيش متعة ,يلعن ابو عيشتكم يا شيخ .

 جيمى