ما اسمهاش شذوذ !! +18

قبل ما تبتدى قراية الموضوع , الموضوع +18 والكلام ابيح

تحبو اتكلم عامى ولا فصحى؟ ..  نتكلم كلام قهاوى احسن

غريب الموضوع انا عارف , لية بنتكلم فية ؟! معرفش .

خلينا نتفق الاول زى ما عنوان الموضوع بيقول ما اسمهاش شذوذ اسمها مثلية جنسية او homosexuality

 احادى الجنس اللى بيستثار لافراد من نفس نوعة على عكس ال heterosexual اللى هو بيستثار لافراد من الجنس الاخر.

مصطلح homosexual  طلع فى سنة 1869 . اللى طلعة واحد اسمة كارولى ماريا وقعد بتاع عشرين تلاتين سنة لغاية ما اشتهر المصطلح وتم استخدامة عالميا.

--------

فى الايام السودا الى فيها البلد تحديدا مارس 2011 ايام التعديلات الدستورية افتكر كويس جدا لما فى حد وقال "يا بية دول عاوزين الرجالة ينامو مع بعض والحريم ينامو مع بعض !" ممكن نقول دية النقطة اللى خلتنى افكر فى الموضوع دة

 لية الناس بتكرة المثليين والمثلية ؟! مختلفين عنهم واحنا متعودناش نقبل المختلف ,مش هى دة الفطرة!

 الدين بيقول اية يا شيخنا ؟

نرجع بالتاريخ ورا سنة بسيطة

هتلر , هتلر مالو ؟! سنة 1933 اتمنعت المنظمات المثلية عن ممارسة النشاط بتاعهم والكتب اللى مكتوب حاجة عن المثلية اتحرقت والمثليين من الحزب النازى اتقتلو ! وفى الفترة بين 1933 ل 1945 اتسجن 100 الف واحد مثلى فى سجون المانيا وممكن نقول انهم كلهم اتقتلو !

رئيس غامبيا هدد المثليين سنة 2009 بانهم يسيبوا بلادهم قبل ما يقطع رووسهم ؟!

سنة 2009 الحكومة العراقية قتلت عشرات الشباب العراقى بتهمة المثلية ؟!

لية ؟!

--------

اللى انت بتططلبو يا بية دة عيب وحرام وتتهزلة سبع سموات !

--------

كلامى اهبل ها :D 

نتكلم سيكة فلسفة

لية بنرفض المثليية ؟

1- قرف ونجاسة وشهوة , يبقى اى اللى فرقنا عن البهايم ؟

2- *بس يا عم اية اللى انت بتقولة ربنا خلق الجنس فينا عشان نخلف ونملى الارض بس كدة لكن الشواذ دول مبيخلفوش* ؟

3- هتودى لفناء البشرية؟

اولا

لية الواحد بيمارس الجنس ؟ *واللة يا عم ما عارفين والحالة تعبانة*

ممكن نقول عشان الحب ,المتعة , الفلوس ....الخ

القول عن الجنس ان دة نوع عفيف ودة  فية نجاسة ودة دعارة  تمييز على اساس الغرض او الهدف يعنى ودية وساخة عشان العملية الجنسية عموما حرية شخصية ,الانسان بيختار فيها هو عاوز يشاركها مع مين ولية والاسلوب ازاى فأى حد يتدخل تحت اى مسمى يبقى عدى حدودة عشان هو ملوش فيها .

*وبعدين ما انت بتتفرج على افلام لسبينز عادى ها ها *

ثانيا

تصور معايا كدة ان لو كل واحد عمل علاقة جنسية خلف  مش هنلاقى ناكل الموارد بتاعت الكون هتخلص ودة اللى خلى فى حاجات زى وسائل منع الحمل موجودة . طيب هنا انت مش بتخالف الطبيعة المخلوق عليها ؟

يبقى مفروض نمنع الوسائل دية ونمنع الناس من الجنس الفردى ال Masturbation والجنس الفموى والجنس الشرجى  باعتبار ان دة مخالف للفطرة اللى ناس بتتحجج بيها

الموضوع كلة رضى من المجتمع عن اللى بتعملة ونتايجة مش اكتر ,مش كدة ولا اية ؟

ثالثا

المثليين كانوا موجودين على مر التاريخ (انظر اخر فقرة)ومحصلش حاجة اهو . ببساطة جدا يعنى.

-------------------

علميا بقى

انت عارف ان فى حيوانات مثلية ؟ مش خترفة واللة ,هوريك

اكتب فى جوجل homosexual animals واتفرج على الصور .مصدوم ؟ فوتوشوب ها ؟ :D

"مصدر : homosexual behavior in animal , evolutionary perspective

Edited by Volker sommer and paul l. vasey" ودة مصدر اولى يعنى بحث مراجع علميا مش واحد بيكتب كتاب والسلام .

كان فية فقرة بتقول *نقلت ام الفقرة كلها على ايدى ام الpdf  مفهاش copy :@ *

research conducted throughout the 1890s purported that an absence of opposite sex partners and artifcal confinement could "force" individuals to choose same_sex mates.

It is interesting to note that the same researchers who reportes such findings showed that pigeons will participate in same-sex sexual interactions even if they are housed in mixed-sex groups .

Page 5

الراجل هنا بيقول ان الباحثين يعنى قالوا ان غياب الجنس الاخر والعزل مع نفس الجنس ممكن يودى *غصبا* ان الافراد تدخل فى نشاط مثلى , لكن المثير ان نفس الباحثين دول شافو بطاريق بيعملوا نشاط جنسى حتى وهم فى مجموعات تحتوى على عناصر من الجنس التانى .

الكلام هنا ممكن شوية يقول ان دة مش دلع وظروف اجتماعية *مع ان فى كدة فعلا* لكن فى حاجات ليها دعوة بالجينات. اكيد ام البطاريق دية مبتتدلعش :D

بحث تانى "بحث اولى"

http://www.ncbi.nlm.nih.gov/pmc/articles/PMC2680076/

"Gay-related Development

Figure 1 describes patterns identified through LPA; specifically, average ages at which each of the three identified groups achieved each of the developmental milestones. The GRD of the groups differed greatly. The early developing group (n = 629) first became aware of being sexually attracted to other males, on average, in third grade, first experienced sexual activity with another male in ninth grade, decided they were gay in tenth grade, and first disclosed being gay to another person in 12th grade. The middle developing group’s (n = 645) first awareness of same-sex attractions was, on average, in sixth grade, first same-sex sexual activity in twelfth grade, decided they were gay at the age of 19.3, and first disclosure at the age of 20.9. The late developing group’s (n = 109) first awareness was in eighth grade, first same-sex sexual activity at the age of 22.1, decided they were gay at 25.8, and first disclosure at 28.2."

ملخص يعنى بيقول ان لما عملوا عينة لقوا ان نسبة كبيرة من المثللين حسوا باحساس مثلى من سن ال 10 سنين !مين اللى ممكن يختار يبقى مثلى وهو عندة عشر سنين ؟!

فى ابحاث تانية بتقول ان لو فى اتنين اخوات متماثلين احتمال الاتنين يكونو مثليين 55% ولو مش متماثلين بتبقى 22 % .

ملخص الكلام ان المثليية ممكن يكون سبب من اسبابها وراثى.

* وطبعا مش بقول ان المثليية سببها وراثى بس, فى عوامل تانية ممكن تسبب المثلية ممكن الظروف الاجتماعية او لو حد تعرض جنسيا لطفل دة ممكن ينتج عن مثلى لكن مش فى كل الاحوال بتكون دية الحالة.*

تاريخيا

المثليية ايام الاغريق

زى ما قولنا فى الاول مصطلح ال homosexual  مطلعش الا فى القرن ال 19 لكن الجماعة الاغريق كان عندهم كنز من الادلة الجنسية بداية من *ديلوجات* Plato زىSymposium . ومسرحيات Aristophanes

واللوح والزهريات مترمية وجدرايات ... الخ وفيها اتوصف حاجات كتير عن السلوك الجنسى للجريك

ولدرجة ان لغاية فترة قريبة كان بيتقال على ال homosexuality  اسم ال greek love  .

*هتكلم عنهم واحدة واحدة تحت اتك على الصبر*

فصورة زى دة كانت على زهرية

الصورة فيها شخصين الاول اللى على الشمال the erastes ودة دايما كان بيكون الراجل الكبير وطالعلة دقن زى ما احنا شايفين كدة ودة بيبقى معاة ولد تانى اسمة the eromenos.

ومعظم الصور*غير دية* كان فيها الراجل الكبير بيقدم هدية للواد الصغير بايد وبيلعب لمواخذة بالايد التانية .

الصور كلها بتقول ان الاتنين مش فى نفس السن الاولانى عندة دقن وبيلعب دور ال active  فى العلاقة الجنسية ما بنهم والتانى شكلة زى المراهقين الصغيرين لحد 15 سنة تقريبا ودة الرسومات بتقول ان ملوش دقن وبيلعب دور ال passive  .

الرسومات بتورى ان الراجل  وهو منتصب تماما على عكس الشاب وبيوصل للاورجازم عن طريق الجنس الشرجى او  تمرير القضيب على الفخاد  ولامواخذة .

وبيرجحوا ان اول ما المراهق بيوصل لسن ال 18 او يطلعلة دقن مفروض العلاقة دة تنتهى  ومفروض يدور لنفسة على the eromenos . *هو مكنش فى نسوان هناك ولا اية* :D

الحكاية دية بتتاكد تانى فى كتابات الفيلسوف Plato فى Symposium مثلا اللى كانوا بيتريقوا فيها على agathon  اللى كان وصل لسن ما بعد ان الدقن تطلع وكان لسة بيمارس دور ال passive  عن طريق انة كان بيحلق دقنة وبيستعبط.

شوية صور :

*مراجع متنوعة*

المثليية فى مصر القديمة

قصة حورس وسيث

 “Seth said to Horus: ‘Come let us spend a pleasant hour at my house.’ Horus answered, ‘With pleasure, with pleasure.’ When it was evening a bed was spread for them and they lay down. During the night Seth made his penis stiff and he placed it between the loins of Horus. Horus put his hands between his loins and caught the sperm of Seth.7 Then Horus went to his mother, Isis [and said]: ‘Help me…! Come, see what Seth has done to me.’ And he opened his hand and let her see Seth’s semen. With a scream she took her weapon and cut off his hand and threw it in the water, and conjured up for him a hand to make up for it.”

ترجمة مبسطة :

سيث قال ل حورس : تعالى نقضى وقت ممتع فى بيتى وحورس وافق .الاتنين نايمين على سرير واحد .

سيث انتصب قضيبة ووضعة فى موخرة بتاعت حورس وحورس حط ايدية على موخرتة ومسك القذف بتاعت سيث وجرى بيه على امة ايزيس وقالها ساعدينى .وشوفى سيث عمل فيا اية!! ... *احم احم*

المراجع بتقول ان القصة دة بتاعت عائلة اوزوريس هى اقدم مرجع اتحكى فية قصة راجل ارتضى/اتغصب علية ان يبقى passive  وبيكمل ان ال homosexuality فى الفترة دة كان بيتكلموا عنها بحرية وطلاقة.

وغيرها من القصص اللى مش هنقعد نهرى فيها احنا فى مش حصة تاريخ.

الزبدة بتاعت الموضوع :

المثليين دول بشر زينا بالظبط مش من كوكب زحل ومبيعملوش علينا موامرة صهيونية ماسونية لتدمير شبابنا .

المثلية مش مرض عشان ندورلها على علاج.

ابو جهل