<لو مكسل تقرا ممكن تسمع الأيتم إللي تحت>
سأل (س) :"أنهي أتقل,كيلو الحديد ولا كيلو القطن؟"
أجاب (ص) بسرعة وبدون تفكيروقال : "كيلو الحديد."
عاجله (س) وصدمه وقال :"غلط" :p
قال (ص) مستنكراً :"انت اهبل ؟,,أكيد مش كيلو القطن أتقل"
فرد (س) : "لأ يا سدي,,الإتنين لهم نفس الوزن".
الديالوج دا سمعنا عنه كتير زمان وبشكل متكرر شبه دوري إما في صيغة فزورة أو نكتة.
بس في الحقيقة الفزورة أو النكتة دي بتحمل في طياتها أحد أهم البديهيات الحقائق العلمية,,
الحقيقة دي بتقول :ان "الكيلو" هو "الكيلو" بغض النظر عن اسم أو كثافة أو حجم المادة الموزونة.
لو مش مصدقني روح دلوقتي واطلب من الخضري كيلو خيار وكيلو قوطة,,,أو لو جبنة رومي وكيلو لانشون من البقال,,
من المفترض إنك هتلاحظ انك بتبذل نفس المجهود عشان ترفع الكيلو الواحد منهم لإرتفاع معين أو تمشي بيه مسافة معينة,,
ولو اي إتنين منهم اتحطوا علي كفتين الميزان مافيش كفه هاتنزل ولا تطلع,,حتي لو كنت بتوزن كيلو الحديد قصاد كيلو البسطرمة,,
الحقيقة إن الميزان مافرقش معاه نوع,او إسم,او مواصفات,او ريحة,أو تمن أي من المواد الموضوعة علي كفتيه..
الميزان وزن حاجة واحدة بس..وزن "الوزن", لا أكثر ولا أقل.
عشان كدا أما بيحبوا يصوروا العدالة بيرسموا أنثي معصوبة العينين حاملة ميزان.
العادلة القاطعة,,هي إللي مابتفرقش مابين البشر سواء حسب نوعهم ,أو وزنهم في المجتمع,أو عرقهم,أو ملة دين أبوهم.
إللي بيخلوا بالمبدأ دا بتختلف تسميتهم بحسب طريقة إخلالهم بيه.
يعني إللي بيقسم حسب المستوي المادي أو الإجتماعي أو النفوذ في المجتمع بيكون" طبقي"
وإللي بيقسم حسب النوع أو العرق او الدين أو الملة بيكون له "عنصري",والعنصرية دي مرض ابله بيصيب بعض البشر قد يؤدي إلي الرغبة في الإبادة .
مرة صديقة مسيحية جت وقت اسبوع الألام (ودا الإسبوع إللي بيسبق عيد القيامة عند المسيحيين وبيعتبر إسبوع إستثنائي وبيصلوا فيه صلوات أغلبها بيتصلي مرة واحدة في السنة) كتبت في الستاتيس بتاعتها علي الفيسبوك جملة غاية في البساطة واردة جدا انها تصدر من أي حد مابينامش غير علي وش الفجر,,,
كتبت الصديقة دي :"الصلاة خير من الفيسبوك"
فما كان من صديقة مسلمة إلا إنها قابلت الاستيتس دي بوابل من كومنتين أو 4 كومنتات نارية.
ملخصها إن الاستيتيس دي فيها إستهزاء صريح بالدين,وبإن الاستيتس دي نتيجة طبيعية لحملات الإساة للدين وشوية كلام من إللي إتقال بعد كدا تعليقا علي أزمة (ساويرس \ميكي\ميني)
الجدير بالذكر إن الاستيتيس إللي اتسببت في المشاحنة دي مكانش فيها أي نوع من أنواع ال Smiles
يعني مكانش فيها :D ولا :s ولا :) ولا أي نوع من أنواع الوشوش إللي لابسة طراطير أو برانيط أوحتي طرابيش (جمع طربوش)
مانكرش اني اتخضيت من ردة الفعل إللي لقيتها,,,وفضلت فترة طويلة مش ناسي الموقف دا.
لحد أما بالصدفة مرة اتكعبلت في نوت علي الفيسبوك بتقول "الصلاة خير من النت",, قمت واخد لينك النوت وعملت مينشن للبنتين ولطعتلهم (يعني عملت paste ( اللينك,,وقلت للبنت إللي كانت مضايقة :"اتمني إن رد فعلك عليهم يكون (مقترب) من رد فعلك علي الاستيتيس".
ردت علي البنت إللي كانت مضايقة :" لأ طبعا دا غير دا.."
بعدها بكام ساعة لقيت ريتويت بتنط في التايم لاين عندي بتقول :"الصلاة خير من التويتر",,,
قمت اخدت اللينك بتع التويت الأصلية ولطعتهلها (يعني عملت Paste ) ,,وقلت "إيه الفرق بين دول والاستيتيس إللي زعلتك؟"
وإلي الأن لم أحصل علي إجابة.
وعندها أدركت أن إجابة الفزورة كانت خاطئة,,
فالحقيقة أن كيلو الحديد (قد) يكون مساويا لكيلو البسطرمة (أحياناً),,ولا عزاء للفيزياء.
مينا ضياء
27/7/2011
8:38 am
Chapeau Mina as usual, simple, concentrated way to reach your goal, keep up dear, spread it :)
ReplyDeleteInterestingly, if you get a kilo of cotton, highly compressed, then allow it to expand, and weight it against a kilo of iron, the cotton will be slightly heavier. Cotton will allow more air inside of it, giving it more weight, though negligible. However, if strongly compressed to take out any air, they should be the same :) that's something I heard. I like the post :))))
ReplyDeleteStill struggling with the "kefaya" post. It's not very easy on the eyes to be honest. suffers from the same problem as that draft of mine I showed you. A bit heavy and visually easy to get lost in :) still trying