كلام-عن الاستحمار

كلام-عن الإستحمار

ضحك عليك إللي قاللك إن الصحف القومية اسمها قومية,, لا يا عم اسمها ال"كومية" ,و دا باين جداً من اسمها,,,,,,تقدر تخمن؟
ايوة,عشان بتتكوم و بتتكتل علي بيتقالها :"بٍسك عليه"

فبعدما عانت مصر لمدة سبعين سنة من الاستعمار البريطاني للشعب المصري ابتداء من 1882 لحد 1952 (مش متكأد ملأرقام بصراحة,,لأ أكيد مش هقولك ال calculator طلعها كدة,بس ده إللي هما علموهلنا, و بما ان الواحد المفروض يعد صوابعه بعد مايسيب كتاب تاريخ بتاع المدرسة, ويعد عدد خلايا مخة إللي مماتتش مل غباء أو الغباوة أو قضي نحبها في ثورة سافلة منها علي براويز ومعطيات السادة الكرام إللي هروا دماغ اهلنا شحن وتفريغ معلومات فارغة لحد مدماغنا بقت بتفوت و تقع زي بطارية ال 6600 إللي بتبقي مش طايقها و نفسك ترميها في اول صفيحة زبالة – لو لقيت اصلاً

مما يعطي تفسير لإعجاب الكثيرين منا بسلسلة أفلام)sawإللي ممكن واحد يقطع حتة منه عشان يعيش)

تعاني مصر حالياً من "الاستحمار" الاعلامي للشعب المصري,

لو تفتكروا علمونا ان الانجليز كانوا عاوزين الشعب جاهل ,اخوتنا بتوع الكومية عاوزين الشعب يبقي بغبغان ثقيل اللسان.

إلي جانب رداءة التغطية وخلط الخبر بالمقال (يعني تقرا و تبقا مش فاهم انت بتقرا خبر ولا مقال!! غالباً دي مسابقة,وإللي يعرف حلها له كوب ماء نظيف مع طبق سلطة خالية من المسرطنات بالإضافة لقليل من المسلطنات( ,

لم تكفيهم خيبتهم التقيلة و فضلوا يزودوا في السعر,زيادة لم تصاحبها زيادة في الجودة,وصاحبتها زيادة مطردة في عدد الصفح بهدف زيادة الإعلانات –إللي بياخدزا عليها فلوس برضوا- يعني بيعلنوا علي حساب المُعلن و علي حساب سعاتاك!! ويلعن سعاتاك!

ملحوظة:

· لا يوجد ضرر من الاحتفاظ بها بعيداً عن ايدي الصغار والكبار –بشرط عدم قرائتها حرصاعلي مستوي ذكاء سعاتاك

· ينصح بالاحتفاظ بأعداد اسبوع أو عشرة أيام علي الأكثر بشرط عدم وضع أكثر من ثلاثة أعداد فوق بعضها البعض - حرصا علي حرية الصحافة, وحتي لا يؤثر وزنها لتحت فتصاب بالنحافة.

يمكنكٍ سيدتي

· استعمال صفحاتها في تلميع الزجاج -مثلما يقومون بتلميع وتجريس من يشاؤن

· تغليف الساندوتشات لابنك –خصوصا لو عملاله "سوسيس" و مش عاوزة أصحابه ياكلوه منه ,استعمليها في التعتيم مثلما يفعلون

· ايضا يمكنك فرشها علي الأرض لو هاتدهنوا الحيطة حرصا علي نظافة السيراميك و الأرض,

· يمكنك فرش عدد واحد صفحة لكل عددمن البلاطات في الأرضية – حتي يستطعوا ان يقولوا ان صحيفتهم "واسعة الانتشار"

· تفتيتها –قبل قرائتها –لقطع صغيرة وفردها داخل برواز ووضع ثقالة عليها ووضعها في الشمس لعدة أيام حتي تحصلي علي ورق مقوي ,يستطيع صغارك الرسم عليه –حتي يقولوا انهم يساهمون في اكتشاف المواهب و تنمية القدرة علي الابداع

· قراءة صفحة الوفيات لأنها في الأغلب الأكثر صدقاُ في كل صفحاتها –حتي تستطيعي الحصول علي قيمة تقريبية لعدد السكان

· استخدامها في التدفئة في الأيام الباردة –عشان يعرفوا منتجهم يستاهل ايه

· بيعها بالكيلوا لبتاع الروبابيكيا- غالباً هتبيعي بخسارة,بس صحتك وصحة اهل بيتك بالدنيا,,كمان كده بتساهمي في رواج الصناعات الصغيرة ودورة الروبابيكيا

· تقطيعها لقطع صغيرة,ورميها من فوق البرج عشان اما نشوف عصافير الجنة ,نفتكرإن فيه جنة و إن كان فيه زمان عصافير-قبل التلوث ,وإن فيه دوا كحة(قبل الأكل وبعده)

· بيعها لأقرب مقلاة لب أو بائع ترمس –مما يساهم في دفن عجلة الإقتصاد

· اخيرا سيدتي يمكنك عمل المراكب و الطراطير و القراطيس و الضفاضع و صواريخ و الطائرات و جميع ألعاب ال*

origami

صاحبي سامح سمير قال مرة علي ال status بتعته علي ال:facebook

"أضطر لشراء الجرائد القومية لأن كلبي لا يتبول إلا عليها"

كلمة أخيرة,,,:تعلمنا في بلاغة ثانوية عامة "الجناس"

كلمتي :"صحيفة و صفيحة " بينهما جناس ناقص في اللفظ ,وفي بعض الأحيان تطابق في المعني,,,,

"فالإثنين يتعبئون بالزبالة."

خلص الكلام علي رأي"-د\هدهد"

مينا ضياء

26/12/09

5:30 am

الكاريكاتير ده من أعمال سامح سمير,,,,,,,,,,,,,,,,,,,,,,,,,

"أضطر لشراء الجرائد القومية لأن كلبي لا يتبول إلا عليها"-سامح سمير

*Origami

هو فن طي الورق للحصول علي مثل هذه الأشكال,,,

الجناس بين "صحيفة و صفيحة " يكمن في أن الإثنين (قد) يتعبئون بالزبالة.