إحتفالا بوصول مرسي للسلطة ,يسرنا أن ندعم
الألة الإعلامية للتيار الديني و نقدم لكم سلسلة:"طلع أمين شرطة"...
- إنهاردة شوفت واحد ملتحي قال لواحدة :"مرسي جه وهايحجبكوا" وصوتت ولمت عليه الناس مسكوه,,وطلع أمين شرطة
- إنهاردة شوفت واحد بيتحرش بواحدة علي الكورنيش,,الناس مسكته (خيال علمي) وفي الأخر طلع أمين شرطة.
- إنهاردة شوفت واحد تف في الشارع,,إتلم عليه الناس مسكوه طلع في الأخر أمين شرطة واخد حقن بلغم.
- إنهاردة شوفت واحد في الشارع سرق شنطة واحدة,طلع في الأخر أمين شرطة مأجر متوسكل
- إنهاردة شوفت واحد في الشارع جري من الكومساري عشان مايدفعش الأجرة,الركاب مسكوه,,طلع أمين شرطة مقبضش مرتب الشهر دا.
- إنهاردة شوفت في اللجنة طالب بيغش,,الطلاب مسكوه وطلع في الأخر أمين شرطة ساقط إعداداية.
- إنهاردة شوفت واحد بيعمل بي بي تحت الكوبري,,الناس مسكوه,,طلع في الأخر أمين شرطة مزنوق.
- إنهاردة شوفت واحد بيوزع بلح علي الركاب,اللي جنبي قاله:"شكرا أنا مش مسلم" فاللي بيوزع قاله:"يعني أنا إللي مسلم!" فالركاب مسكوه,وطلع أمين شرطة.
- في الكريسماس شوفت بابانويل بيوزع هدايا علي العيال,فدخل بيت ناس منغير مايخبط فالناس إفتكروه حرامي وجريوا وراه,,مسكوه,طلع في الأخر أمين شرطة.
- إنهاردة شوفت واحد في المطعم قالهم معيش فلوس أدفع الحساب,,الجارسونات مسكوه طلع أمين شرطة.
- مرة أبوك مداكش المصروف,,,طلع في الأخر أمين شرطة.
- مرة واحد إطوع في الداخلية,,إتقبل وطلع أمين شرطة.
- إنهاردة شوفت إشارة مرور بينظمها واحد طلع أمين شرطة.
- إنهاردة شوفت واحد في الأتوبيس نايم بيشخر,,,الناس إضايقوا مالشخير مسكوه طلع أمين شرطة.
- إنهاردة شوفت واحد بينف في كم القميص,,,طلع أمين شرطة
- إنهاردة شوفت واحد خرج من الحمام ماشدش السيفون,,طلع أمين شرطة
كفاية إبتذال بأة,,,,الشئ الظريف إن من أوائل
اللي عملوا شير للخبر بتاع :"مرة واحد ملتحي قال لبنت هاتتحجبي,,,طلع أمين
شرطة",,من أوائل الناس إللي عملوا كدا هما شباب التيارات الدينية إللي كانوا
وقت الإنتخابات شغالين شتيمة وقلة أدب وتخوين,,,والأهم من كدا بيشيروا الفيديو
بتاع كارثة عصر أمين الشرطة (الأنبا بيشوي) وبيقولوا للزملاتهم المسيحيين:"ياريت
بناتكوا يسمعوا كلام الأنبا" وكل شوية يقولولهم:"الإنجيل بيقول إن البنت
تتحجب والست مريم كانت محجبة",,,,
غالبا الشباب دي إللي قرفوا إللي جابونا
شتايم وكلام علي لبس البنات,,,هايطلعوا في الأخر أمين شرطة.
كلكم أمين شرطة.
مرة واحد قرا البوست دا ومعملش شير,,,طلع
أمين شرطة
مينا ضياء
28/6/2012
11:28 PM
أيمن رد علي التويتات دي وقاللي:
@MinaDaPharaoh قعد يتويت كتير في مرة الفولورز شكوا فيه مسكوه طلع أمين شرطة
مرة واحد إخوانى إنتخبوه رئيساً طلع فى الآخر أمين شرطة
ReplyDeleteهاهاهاها,,,,,دول هايشوفوا بلاوي
Delete