يا مصر ( هنشخلعلك) ضرايب جديدة

فى ظل الازمة المصرية لعدم وجود اى حاجة مش مفروض عليها ضريبة
قررننا نحن الشباب باننا نساعد الحكومة فى انها تجد مجالات جديدة لفرض الضرائب

اولا لازم نعرف يعنى اية ضريبة ؟
الضريبة من اسمها حاجة بتتضرب فى الجيب
وطبعا مش جيبك

ودة اللستة المقترحة


1_ فرض ضريبة على المواشى (قصدى المشاة) فى الشوارع العامة
عشان حضرتك لابس شوز والشوز بيوسخ الارض
ونتيجة لهذا يا ايها المواطن
ان الحكومة المحترمة بتجيب كناسين .. واية مستوردين
ودول بياخدوا فلوس كتير ... يا حرام

2_فرض ضريبة على التنفس
يعنى تدى كل مواطن عداد يعددلك
اتنفست كام كيلو متر مكعبب من الهواء النقى الصافى المصرى 100%
وتتحاسب بالضبط زى عداد النور

3_ فرض ضريبة على الطلبة اللى مش بتذاكر فى ثانوى
وبكدة الطالب اللى مش هيجيب مجموع هياخدوا منة ضريبة
وبكدة نعلى مستوانا التعليمى بسرعة فائقة

4_تقنيين الحشيش والافيون والمواد المخدرة
وفرض ضرائب باهظة جدا عليها
عليها وبكدة محدش هيشتريها وبكدة نكوة تخلصنا من مشكلة الادمان
وساعتها اللى هيشترية هيكون ابن ولاد الاغنية وبكدة ثروتة هتقل ودة بيساعد على تقليل الفروق الاجتماعية بين الطبقات

4_فرض ضريبة على عدد الفريندز عندك على الفيس بوك
بما انة الموقع دة بقى مش اشهر المواقع فى مصر فكل فريند هيتضاف ضريبة علية مقدارة نص جنية
مش كتير واللة وهنعفى اللى عندة اقل من 10 فريند للتسهيل على المواطنين
وتاخد هذة الضريبة شريحة صغيرة من مستخدمى الفيس بوك
مقدارها 10 % فقط لان معظم مستخدمى الفيس بوك يتراوح الفريندز عندهم بين 2 ل 2.5 فريند ودول مش هنطبق عليهم الضريبة زى ما احنا قولنا
وبكدة نكون قللنا استخدام الانترنت وساعتها ممن نستخدم سياسة الاستخدام العادل للانترنت


5_فرض ضريبة على الغباء ... يعنى وانتا ماشى فى امان اللة
تلاقى عسكرى وقفك هيديك بالونة تنفخ فيها لو اتحول لونها للون الزنفسجى القاتم المائل اللى للصفرة
يبقى انت غبى وهناخد ضريبة منك .. ودة هيشجع كل الناس انها تذهب لمكتبة سوزان مبارك العامرة بالسكان يىىى قصدى بالقراء
عشان يقروا ويتثقفوا

6_فرض ضريبة على اللحوم المستوردة اللى بتيجى عشان تسد عجز اللحوم
ونتيجة لفرض الضريبة سعرها هيزيد
ونشترى ( لحم بلدنا )
ونشجع ابن بلدنا الى بيقدر ظروف الشعب وغلو الاسعار

7_اخيرا الضريبة اللى هتجيب لمصر مصدر دخل اكتر من الى جبناة من مئات السنين
فرض ضريبة على الظالم وعلى الحرامى وعلى المرتشى وعلى المنافق
..........

لكن بنقول هيجى يوم والنور هينور مصر كلها وساعتها كل حاجة هتبقى احسن
هنعيش احسن ...هنتصرف احسن... هنمشى فى الشارع باليل واحنا مش خايفين
هناكل اكل نضيف
هنعيش عيشة زى الفل
ليك يوم يا ظالم.
و بقولك منك لة ان اليوم دة قريب


so plz wait till this message got who reply on it
tnx for using ur brain
___________