إيمانا مني بعضويتي المؤقتة في أي شئ أنا عضو
فيه.. وحرصا علي علاقتي بالعديد من الأصدقاء إللي إتعرفت عليهم خلال فترة ال3 سنين
اللي فاتوا وحرصا علي وضع بعض النقط فوق الحروف حابب أتناقش بخصوص جملة بسيطة جدا
إتقالت خلال الربع الأخير من 2013 وتم ترديدها بكثافة شديدة للغاية.
بإختصار, يقول قائل: "لا الإخوان مش
إرهابيين,, (ماحنا كنا بنعمل نفس اللي بيعملوه)".
طيب خلينا نمشي واحدة واحدة,,,
السؤال الأول وهو مدخل للحجرة الصغيرة,, هل فعلا إنت نفذت\قدرت تنفذ
العنف دا تجاه الدولة وأذرعها (إللي إحنا متفقين علي عدم مهنيتها\وساختها\جرمها-
مش هنختلف دلوقتي علي الكلمة)؟
طيب أنا سعيد بصراحتك بخصوص إعجابك بالفعل
فالوقت إللي حضرتك معندكش الموارد المناسبة لتقليده أو إبتكار ما هو أقوي منه. دي
بداية كويسة جدا.
السؤال الثاني... هل حضرتك لحد اللحظة دي قدرت تنظم شئ يورث الدولة
(أو حتي أجهزتها القمعية –الشرطة مثال)؟ ... يعني الإخواني شايف إن ميليشياته
قادرة علي إنها تحل محل الشرطة الغير محترفة\الوسخة\المجرمة المصري- مش هنختلف علي
الكلمة دلوقتي...
السؤال الثالث,, وهو الأهم أو الحجرة الكبيرة. هل تطابق التكتيكات
وتعارض الأهداف من شأنه توحيد القضية؟
يعني لو فعلا إكتشفنا إننا معانا القدر
الكافي من القوة للوصول لندية مستديمة ل \صراع مفتوح مع أذرع السلطة... وقررت خوض
صراع بقاء ضدها بدون هوادة,, هل دا معناه إن كل من قرر نفس القرار
ملاك\بطل\رمز\,,, رفيق؟
مثلا.. هل كل المدربين إللي بيلعبوا ب 4-4-2
نفسهم إن كل الفرق إللي بتلعب 4-4-2 تكسب؟
حضرتك فين من المبادئ أو الأيديولوجية إللي
بيتبناها هؤلاء؟ هو دا السؤال المهم. منطقيا إنك قدرت تخوض صراع مع القوات
النظامية يبأة تقدر تخوض صراع مع الغير نظاميين,,, ولو إنت شايف إن الساحة فيها
صراع مفتوح بين :السلطة واليمين الديني(الإخوان-ودا مش حقيقي 100% لإن السلطة فعليا متحالفة مع 3 جهات دينية وبتستخدمهم: الدعوة السلفية,الأزهر,الكنيسة) وحضرتك فمنطقي أشوفك بتضرب
فال2... مش بتشجع الإخوان لمجرد إنهم نزلوا يدبوا ف غريمك (السلطة)
أنا عايز إيه من إللي فوق؟ ولا حاجة,, أنا
فقط بفكر بصوت عالي ومستعد أغير رأيي لو لقيت سبب منطقي يدفعني لدا.
باي دلوقتي مش فاضي.
مينا ضياء
28\12\2013
8:00 pm
إقرأ أيضا:
