إحذرواااا: تدمير صناعة أمن الدولة

إعترافي ده مهم جداً,,

أنا أسف عشان كنت مع الثورة,ثورة 25 يناير,,الثورة دي دلوقتي بتهدد بخساير كبيرة علي رأسها صناعة من أهم الصناعات إللي مصر تقدمت فيها في الفترة إللي فاتت ,وكنا مش بس محققين فيها الإكتفاء الذاتي,,لكن كنا بنصدرها للخارج كمان.

أنا مش قادر اصدق إننا بنهدد بتخريب الصناعة دي!

لو حصل ده هتبقي خسارة بالظبت زي إنهيار زراعة القطن,والقمح والرز..وحتي صناعة المسلسلات .

الصناعة إللي إحنا بصدد خسارتها دي عندنا ليها بنية تحتية كاملة وعلي أ ,,أعلي مستوي ,وفقنا فيها الأمريكان ذات نفسهم.

أولاً دي صناعة,و وسيلة مواصلات, ومركز من مراكز صنع الحدث (كل من الخبر أو المجرم الصغير)

الشباب إللي هيضيع مصر أنا باقول له إتقي الله

أمن الدولة إللي بتهاجمه ده جهاز مهم جداً

كان حريص علي إشعال وصناعة الفتن الطائفية..كدة هنستوردها-

كان من أفضل الأجهزة في العالم في صناعة التعذيب ,,ده ال-

CIA

و أجهزة أمن أمريكية وغربية أما كانوا بيفشلوا في إنتزاع المعلومات من الأسري والإرهابيين كانوا بيبعتوهم هنا يتروقوا,,,كنا بنصدر أهو

أمن الدولة كان وسيلة للوصول إلي ما وراء الشمس,,وده إللي فشلت فيه ناسا وكان بيحاول يوصله القذافي,,,

أمن الدولة إللي هو مكون أساسي من مدرج الكلية,الجامع ,الكنيسة,فرن العيش-

الجهاز إللي كان بيساعد الفيسبوك إنه يبقي من أكبر الشبكات الإجتماعية,,,لإن أمن الدولة كان بيعمل عدد مهول من الحسابات الوهمية تدخل تشتم في وائل غنيم علي صفحة خالد سعيد

أمن الدولة إللي كان بمثابة معهد إعداد للمحافظين ووزراء الداخلية,,,-

أمن الدولة إللي كان بيحارب الأجندات المستوردة لصالح أجندات "سمير وعلي" و"منترا" (صناعات وطنية-

أمن الدولة إللي خلي مصر من أنفخ بلاد الدنيا,,وكان بسببة المصري بيمشي منفوخ جوة مصر وبراها-

يا رب أمن مصر من أمنها.

مينا ضياء

5/3/2011

5:04 am