تأثير الفراشة Butterfly Effect

وهى تعنى حدوث شىء صغير جدا يؤدى لحدوث سلسلة من الأحداث المترتبة على هذا الشىء الصغير ..
ما أومن به هو أن كل شىء فى هذا الكون يتم بحسابات دقيقة بارعة لا قبل لنا بها ، كل شىء محسوب ومقدر بدقة بالغة وتدخلنا فى مثل هذه الأمور إنما يفسدها ولا يمكن أن يقومها بطريقة أو بأخرى .. حتى لو كان تدخلنا بسيطا تافها ...الصورة من أعمال مينا هاني

Wednesday 7 April 2010

Mina Diaa:!! مصر,, مالكيش غير البطريق

Mina Diaa:!! مصر,, مالكيش غير البطريق

مصرالمُهانة مرمية فالشارع
مرمية بردانة والجو تلج,,ساقع
بتبكي بتشحت فوسط الطريق
محدش سمعها غير طائر البطريق
بعتلها قاللها:
"مالك يا غالية؟ ايه بهدلك؟
بعد ماكونتي عالية,,ايه شنكلك؟"
اتكتمت وسكتت بسبب الكسوف
دلوقتي اللي مايشتري بيتفرج يشوف
خدودها احمرت بسبب الحياء
ارتفعت حرارتها في عز الشتاء
قالتله:
"صدعوني بكلامهم عن الريادة
سنين بيقولوها منغير افادة
وهما قصدهم يقولوا الريالة
انا جراني بيحدفوا عليا الزبالة
ومصابة بسرطان ومشعارفة
ادفع للعملية واعمله إزالة"
سمع البطريق وبكي وقال:
"باسم اهلك وشعبك اللي كانوا زمان
باسم وضعك وقيمتك إللي راحوا فالطوفان
اقبلي اني اساعدك واخلصك مالعذاب
حاجزلك تذكرة ذهاب دون إياب"
سكتت مصر ونفسها صعبت عليها
وابتدت تمسح دمعها بايديها
طبطب عليها البطريق بزعنفته
" صحيح انا بعيد بس إللي حصل عرفته
يامصر باحلفك بولادك,,الصعيدي والاسكندراني
و القبلي و البحري والنوبي
لتهاجري معايا للقطب الجنوبي"

مينا ضياء
8/1/10

رسوم سامح سمير


No comments:

Post a Comment